Wednesday, 17 April 2013

Girls And Boys Conflict



conflict | eyes | haya | modesty
Boys or girls ki jang hmesha se he rahi hai, ye ak na khatam hone wali behs rhi hai. Khuda jane kis sadi me is be-maqsad jang ka aaghaz hua tha. Kher, mera irada in ki sulah karwana hargiz ni hai.  =)
Insani nafs, ghalazat se bhara para hai. Isliay tmam Anbia A.S insan ko in tmam ghalazat se paak krne k liay he bhejay gy.
Ayen is pr thori dair ghor krte hain, k ajkal hmary muashray me nafs ki ghulami kis tran se ki jati hai.
Larkon ki ye nature hai (ye un k ikhtiyar me nhi) k girls hmesha se he unhen attractive lgti hain. isay badalna nihayat mushkil kaam hai. Or isi tran koi b larki ye kbi bardasht ni krti k uska shohar ksi or larki ki traf mutawajo ho, or ye larki ki nature hoti hai(ye un k ikhtiyar me nhi) isay apki koi b logic badal ni skti.

Jb ak larki ki shadi hoti hai to wo apna sb kch chor kr ati hai, uska wapis jana ak namumkin c bat hoti hai, khas tor pr mashriki muashray me. Jb mard shadi krte huay ak pakeeza larki ki khuahish krta hai, to orat ye q ni sochti? Us k zehn me sirf khof or dar q hota hai?, Kis cheez ka khof or dar? Ye ak mard kbi ni smjh skta.
Or inhi larkon ki aish ka bais bnne wali larkian kon hoti hain. jo ksi or ghr ki izat hoti hain. Darasal ajkal ksi ko b anay walay kal me koi dilchaspi ni rhi. Jaise ap logon ne suna e ho ga “Do or die”,  “geo or jeene do” wagera. Is tran k saray phrases ne hmen tabah kr k rkh dia hai. Sara kch aj he kr lo, kya pta kal ho na ho, sahi kaha na mene? Or is ko char chand lgaen hain mobile or internet ne. Kis kadar ghalat istemal kia ja rha hai inka, iska apko achi tran se andaza hai.

Me ye smjhti hun k hmari nojwan nasal, family se zayada doston ko apna kherkhwa smjhti hai. Chalen mana agr family apki kherkhwa ni b hai to dost to kbi ho he ni skte. Q k hmaray parents ki kul kainat un k bachay e hotay hain, laikn dost? un ki ak alag b duniya hoti hai, jis me unki family ati hai. Ye bat darust hai k maa-baap or bachon me generation gap hota hai jo hmara apna he generate kia hua hota hai, laikn behn bhaion me to ni hota. Phir ksi ghair ksi gher ki he zroort hoti hai. Allah ne hmen bahanay bnane ka koi moka ni dia. Jis jis cheez ki zroort insaan ko hoti hai Allah insaan ko deta hai.
Hmesha insaan ko yehi q lgta hai k sinf-e-mukhalif  he inki bat zayada bhtr smjh skti hai? Agr aisa hai b to shadi ka intezar q ni krtay.

Actually insaan ka asal masala he yehi hai k wo hmesha waqt se pehle or qismat se zayada chahta hai. Or ye gunah me lazat he wo wja hote ha k insan ko shadi qaid khana lgne lgti hai, or usay apne ilawa hr ak zalim lgta hai.  Jo log larkion ko dost kehna afford ni kr sktay wo unhen behan kehne lgte hain, or aisa he kch larkian b krti hain. Mun-bolay rishton ka tasawur to Allah ne Hazrat Zaid or Hazrat Muhammad S.A.W k rishtay ko b nhi dia tha. To hm kon hotay hain sawal krne walay. Or Surah Ahzab ayah 32 me to Allah ne aurat ko gher mard se narm lehjay me bat krne se b mna kia hai. To ye kon se qanoon or bahane bna liay hm ne behayai k?
To mene is in sb baton se ye andaza lgaya k hm to naam k muslmaan hai he, hmaray nafs or khuahishat ka musalman hona be-had zroori hai. Wrna lrai jis tran chalti a ri hai, us tran chalti rhegi.  =)

Thori dair thehriay or sochiay k kaheen ap b to is khrab mahool ka hisa to ni? Hm kis mun se jaeen gai khuda k samne.
Or jaisa k Insaan pani ka bulbula hai, pta ni hmaray pass kitna waqt hai, hme moka millay na milay. =)